ചിറ്റൂർ തത്തമംഗലം മുനിസിപ്പാലിറ്റി തിരഞ്ഞെടുപ്പിനോടനുബന്ധിച്ച് ഒരു പൊതുചർച്ച വേദി

📢 ചിറ്റൂർ തത്തമംഗലം മുനിസിപ്പാലിറ്റി തിരഞ്ഞെടുപ്പിനോടനുബന്ധിച്ച് ഒരു പൊതുചർച്ച വേദി

തദ്ദേശ തിരഞ്ഞെടുപ്പുകൾ അടുത്ത് എത്തിയിരിക്കുകയാണ്. വിവിധ രാഷ്ട്രീയ പാർട്ടികൾ പ്രചാരണത്തിൽ തിരക്കിലാണെങ്കിലും, വോട്ടർമാർക്ക് ഏറ്റവും പ്രധാനപ്പെട്ടത് ഒരു കാര്യമാണ്  – നിങ്ങൾ തിരഞ്ഞെടുക്കപ്പെടുന്നുവെങ്കിൽ അടുത്ത 5 വർഷത്തിൽ എന്താണ് ചെയ്യാൻ പോകുന്നത്?

വർഷം 2000 മുതൽ പ്രവർത്തിക്കുന്ന tattamangalam.com എന്ന ഉത്തരവാദിത്തമുള്ള കമ്മ്യൂണിറ്റി പോർട്ടൽ, സ്വതന്ത്രവും നിഷ്പക്ഷവുമായ രീതിയിൽ എല്ലാ കൗൺസിലർ സ്ഥാനാർത്ഥികൾക്കും അവരുടെ പദ്ധതി ജനങ്ങളോട് വ്യക്തമാക്കാനുള്ള ഒരു തുറന്ന വേദി ഒരുക്കുന്നു.

🔹 ഓരോ സ്ഥാനാർത്ഥിക്കും 3 മിനിറ്റ് സമയം
🔹 അവരുടെ വാർഡിനുള്ള നടപ്പിലാക്കാൻ ഉദ്ദേശിക്കുന്ന പദ്ധതികളും
🔹 മുനിസിപ്പാലിറ്റിയിലുടനീളം ചെയ്യാൻ ഉദ്ദേശിക്കുന്ന കാര്യങ്ങളും
സ്വതന്ത്രമായി അവതരിപ്പിക്കാം.

അവരുടെ വാർഡിനുള്ള നടപ്പിലാക്കാൻ ഉദ്ദേശിക്കുന്ന പദ്ധതികളും
ഒരൊരു സ്ഥാനാർത്ഥിക്കും തങ്ങളുടെ വാർഡിലെ യഥാർത്ഥ പ്രശ്നങ്ങൾ, മുൻഗണനകൾ, പരിഹാര മാർഗങ്ങൾ എന്നിവ തുറന്നുപറയാം.

1. റോഡുകളുടെ പുതുക്കിപ്പണിയൽ
2. തൊഴിലില്ലായ്മക്ക് പരിഹാരം
3. തത്തമംഗലത്ത് 24 മണിക്കൂറും പ്രവർത്തിക്കുന്ന ആശുപത്രി/ ഫാർമസി
4. കുപ്പത്തൊട്ടികളുടെ കുറവ്, മാലിന്യ ശേഖരണത്തിലെ ദൗർബല്യം
5. കാൽ നട യാത്രികർക്ക് സുരക്ഷിതമായ നടപ്പാതകൾ
6. തെരുവുവിളക്കുകളുടെ മെച്ചപ്പെടുത്തൽ
7. മുതിർന്ന പൗരന്മാർക്കും, സ്ത്രീകൾക്കും, വിദ്യാർത്ഥികൾക്കും വേണ്ടിയുള്ള പൊതുസൗകര്യങ്ങൾ
8. പൊതു സ്ഥലങ്ങളിലെ ശുചിമുറികലുടെ അഭാവം
9. പൊതു സ്ഥലങ്ങളിലെ, ട്രാഫിക് ജങ്ഷനുകളിലെ പോലീസ് ക്കാരുടെ കുറവ്
10. തത്തമംഗലത്ത് പോലീസ് ഔട്ട് പോസ്റ്റ്
    
11. തത്തമംഗലത്ത് ഒരു നല്ല കളിസ്ഥലം
12. കുടിവെള്ളം, ഡ്രെയിനേജ്, വാട്ടർ മാനേജ്മെന്റ്
13. ബസ് സ്റ്റാൻഡ്, ഓട്ടോ സ്റ്റാൻഡ് തുടങ്ങിയ പൊതു ഗതാഗത സൗകര്യങ്ങളുടെ ക്രമീകരണം
14. സ്കൂളുകളുടെയും ആശുപത്രികളുടെയും സമീപത്ത് സുരക്ഷയും ട്രാഫിക് നിയന്ത്രണവും
15. പച്ചപ്പ് കൂട്ടാനുള്ള പാർക്കുകളും ചെറുപ്രായക്കാരുടെ കളിസ്ഥലങ്ങളും
16. മഴക്കാലത്ത് വെള്ളക്കെട്ട് ഉണ്ടാകുന്ന ഹോട്ട്‌സ്പോട്ടുകൾക്ക് സ്ഥിരപരിഹാരം
17. കായിക സൗകര്യങ്ങൾ, ഓപ്പൺ ജിം, ആനുകൂല്യങ്ങളോടെയുള്ള മെച്ചപ്പെട്ട പ്ലേ ഗ്രൗണ്ടുകൾ
18. ചെറുകിട വ്യാപാരികൾക്ക് സൗകര്യപ്രദമായ ലൈസൻസിംഗ്, പബ്ലിക് മാർക്കറ്റ് സൗകര്യങ്ങളുടെ മെച്ചപ്പെടുത്തൽ
19. ശബ്ദ മലിനീകരണം, പൊടി മലിനീകരണം എന്നിവ നിയന്ത്രിക്കാൻ കർശന നടപടി
20. സ്മാർട്ട് മുനിസിപ്പാലിറ്റി: ഡിജിറ്റൽ സേവനങ്ങൾ, പരാതികളുടെ ഓൺലൈൻ സംവിധാനം, പരസ്യമായ പബ്ലിക് ഡാഷ്ബോർഡുകൾ
21. സൈക്കിൾ യാത്രയ്ക്കും നടക്കാനും സൗഹൃദമായ പാതകൾ
22. തത്തമംഗലം ബൈപാസ് പദ്ധതിയുടെ വ്യക്തമായ സമയക്രമവും സമീപനവും
23. പൊതുജനങ്ങൾക്ക് അടിയന്തിര സഹായങ്ങൾക്കായി റെസ്പോൺസ് ടീങ്ങൾ
24. പൊതു ലൈബ്രറി, പഠന കേന്ദ്രം, കമ്മ്യൂണിറ്റി ഹാളുകളുടെ നവീകരണം
25. വരവ് ചെലവ് കാര്യക്ഷമത ഉറപ്പാക്കുന്ന സുതാര്യ മുനിസിപ്പൽ ഭരണത്തിന്റെ ഉറപ്പ്

ഇവയെല്ലാം നിങ്ങളുടെ വാർഡിനായി ഏത് സമയക്രമത്തിൽ, ഏത് രീതിയിൽ നടപ്പാക്കുമെന്നതും വിശദീകരിക്കാം.

🔹കൂടാതെ  മുനിസിപ്പാലിറ്റിയിലുടനീളം ചെയ്യാൻ ഉദ്ദേശിക്കുന്ന കാര്യങ്ങളും…

നമ്മുടെ മുനിസിപ്പാലിറ്റിക്ക് ഇനി ആവശ്യമായത് വലിയ വാഗ്ദാനങ്ങളല്ല, വ്യക്തമായ പ്രവർത്തനപദ്ധതികളാണ്. അതുകൊണ്ടാണ് ഈ 3 മിനിറ്റ് വിഡിയോയിൽ സ്ഥാനാർത്ഥികൾക്ക്  അവരുടെ നാടിന് വേണ്ടിയുള്ള ലക്ഷ്യങ്ങൾ തുറന്ന് വിശദീകരിക്കാൻ അവസരം ഒരുക്കുന്നത്. 

അവസാനമായി …ജനങ്ങൾക്ക് സ്ഥാനാർത്ഥിയുടെ യഥാർത്ഥ കഴിവും പദ്ധതികളും  വിലയിരുത്താൻ ഈ 3 മിനിറ്റ് മതിയാകും.

നിങ്ങളുടെ വാക്കുകൾ നേരിട്ട് ജനങ്ങളിലെത്തിക്കുക.

ഈ വിഡിയോകൾ തത്തമംഗലം.കോം ന്റെ വെബ്സൈറ്റിലും എല്ലാ സോഷ്യൽ മീഡിയ ഹാൻഡിലുകളിലും – Facebook, Instagram, YouTube -തുടങ്ങിയവയിൽ  പ്രസിദ്ധീകരിക്കും, ,,, ഇതിലൂടെ  ഓരോ വോട്ടർക്കും അവരുടെ സ്ഥാനാർത്ഥിയെ വിലയിരുത്താൻ കഴിയും.

തത്തമംഗലം-ചിറ്റൂർ മേഖലയിലെ അടിസ്ഥാന സൗകര്യങ്ങൾ വർഷങ്ങളായി കാത്തിരിക്കുന്നു.
• തകർന്ന റോഡുകൾ, കുഴിച്ചിട്ട പാതകൾ, കുടിവെള്ളവും ഡ്രെയിനേജും
• പൊതു മാലിന്യ ശേഖരണത്തിലെ പാളിച്ചകൾ
• പാതയാത്രികർക്കുള്ള സൗകര്യങ്ങളുടെ അഭാവം
• നിയമവും ക്രമസമാധാനവും ഉറപ്പാക്കാനുള്ള ആവശ്യമായ പോലീസിന്റെ സാന്നിധ്യം
• പൊതു ഇടങ്ങളുടെ പരിപാലനം

ഇതെല്ലാം പരിഹരിക്കാനുള്ള സ്പഷ്ടമായ പദ്ധതിയുള്ളവർ ആരെന്നാണ് ജനങ്ങൾക്ക് അറിയേണ്ടത്.

📞 എല്ലാ സ്ഥാനാർത്ഥികളോടും അഭ്യർത്ഥിക്കുന്നു:

താങ്കൾക്ക് അനുയോജ്യമായ സമയത്ത്  നിങ്ങൾക്ക് സൗകര്യ പ്രദമായ സ്ഥലത്ത് വിഡിയോ ഷൂട്ടിനായി tattamangalam.com നെ ബന്ധപ്പെടുക.
DM / WhatsApp / ഫോൺ വിശദാംശങ്ങൾ: 7012233696  / 9946556202

📩 https://www.tattamangalam.com/newsite/contact/ 

ജനങ്ങൾ ചോദിക്കേണ്ട ചോദ്യങ്ങൾക്ക് ഉത്തരമറിയിക്കുക, വോട്ട് നേടാൻ മുദ്രാവാക്യങ്ങൾമാത്രമല്ല, പ്രവർത്തനപദ്ധതികളും കാണിക്കുക.

നമ്മുടെ നാട്, നമ്മുടെ ഉത്തരവാദിത്വം – ചിറ്റൂർ – തത്തമംഗലം ഒരു മികച്ച 5 വർഷം അർഹിക്കുന്നു.

ഇത് സംവാദം തുടങ്ങാനുള്ള ഒരു ചെറിയ ശ്രമമാണ് — പങ്കുചേരൂ, സംസാരിക്കൂ, പദ്ധതിയൊരുക്കൂ.

Tattamangalam.com  | Facebook Page | Instagram | Twitter Feed } YouTube Channel |  Whatsapp Channel

 

Related Images: